శ్రావణ శుక్రవారం పురస్కరించుకుని ప్రత్యేక పూజలు

శ్రావణ శుక్రవారం సందర్భంగా మక్తల్​ మండలంలోని శ్రీ వాసవి మాత కన్యకా పరమేశ్వరి దేవాలయాన్ని అత్యంత సుందరంగా ఆలయ నిర్వాహకులు తీర్చిదిద్దారు.

నారాయణ పేట జిల్లా మక్తల్ మండల కేంద్రంలోని స్థానిక శ్రీ వాసవి కన్యకా పరమేశ్వరి దేవాలయంలో నాలుగో శ్రావణ శుక్రవారం పురస్కరించుకుని ప్రత్యేక పూజలు నిర్వహించారు. ఉదయం నుంచే తులసి పూజ, అభిషేకం, సామూహిక కుంకుమార్చన చేపట్టారు. అనంతరం రకరకాల పూలతో అమ్మవారికి పుష్పాభిషేకం నిర్వహించారు. పెద్ద ఎత్తున మహిళలు పూజల్లో పాల్గొన్నారు. అనంతరం అన్నదాన కార్యక్రమం చేపట్టారు.