ఓటింగ్​పై దివ్యాంగులకు అవగాహన కార్యక్రమం

ఓటు హక్కును ప్రతి ఒక్కరు వినియోగించుకోవాలన్న లక్ష్యంతో ఎన్నికల సంఘం అన్ని ఏర్పాట్లు చేస్తోంది. దివ్యాంగులకు ఎలాంటి ఇబ్బందులు తలెత్తకుండా ప్రత్యేక ఏర్పాట్లు చేపట్టింది. వాటిపై అవగాహన సదస్సులు నిర్వహిస్తోంది.

నారాయణపేటలో ఈవీఎంలు, వీవీపాట్​లపై దివ్యాంగులకు అవగాహన సదస్సు నిర్వహించారు. కార్యక్రమంలో కలెక్టర్ ఎస్. వెంకట్రావు పాల్గొని ఓటింగ్ విధానంపై పలు సూచనలు చేశారు. ప్రతి ఒక్కరు ఓటు వేసే విధానాన్ని పూర్తిగా తెలుసుకోవాలని సూచించారు. ఓటింగ్ విధానాన్ని దివ్యాంగులకు దృశ్యరూపంలో వివరించారు.

ఎన్నికలు ప్రశాంతంగా నిర్వహించుకోవాలని కలెక్టర్​ సూచించారు. దివ్యాంగులకు ఎలాంటి ఇబ్బందులు తలెత్తకుండా.. ట్రై సైకిళ్ల​తో పాటు మంచినీటి సౌకర్యం, మరుగుదొడ్లు ఏర్పాటు చేసినట్లు కలెక్టర్ తెలిపారు.

ఇవీ చూడండి:ఈసీ కొరడా : భారీగా అక్రమ నగదు, మద్యం సీజ్