నారాయణపేట కలెక్టరేట్ సమావేశ మందిరంలో అదనపు కలెక్టర్, రెవెన్యూ అధికారులు, మీ సేవ కేంద్రాల సిబ్బందితో కలెక్టర్ హరిచందన సమీక్ష నిర్వహించారు. ప్రత్యేక ట్రైబ్యునల్పై చర్చించారు. ఇప్పటి వరకు జిల్లాలో 337 ధరణి కేసులు ఉన్నాయని.. వీటిని పరిష్కరించేందుకు ధరణి ప్రత్యేక ట్రైబ్యునల్ ఏర్పాటు చేసినట్లు తెలిపారు.
రైతులకు వారి కేసుకు సంబంధించిన సమాచారం ఇచ్చి.. ఏ తేదీన ఎప్పుడు కలెక్టరేట్కు రావాలో ముందస్తుగానే సమాచారం ఇస్తామన్నారు. సాదా బైనామా కేసులను చాలా జాగ్రత్తగా పరిశీలించి పరిష్కరించాల్సి ఉంటుందని రెవెన్యూ అధికారులను సూచించారు. రైతులు రైతు వేదికలు, పల్లెప్రకృతి వనాలకు ఇచ్చిన భూమి, రోడ్డు విస్తరణలో పోయిన భూమిని వారి పట్టాదారు పాస్ బుక్ల నుంచి మినహాయించాలన్నారు. ఇప్పటి వరకు పట్టాదారు పాస్ బుక్లో ఆధార్ నమోదు కాని వాటిని గుర్తించి అప్డేట్ చేయాలని ఆదేశించారు.
ఇదీ చదవండి: తెలంగాణలో మరో 256 కరోనా కేసులు, 2 మరణాలు
