మరుగుదొడ్ల నిర్మాణం చేయకుంటే పథకాలు బంద్..!

నారాయణపేట జిల్లా మక్తల్​ ఎంపీపీ కార్యాలయంలో స్వచ్ఛభారత్​ మిషన్​పై కలెక్టర్​ వెంకట్రావ్​ సమీక్షా సమావేశం నిర్వహించారు. మరుగుదొడ్ల నిర్మాణం చేయనివారికి ప్రభుత్వ పథకాలు నిలిపివేయాలని ఆదేశించారు.

నారాయణపేట జిల్లా మక్తల్​ మండల పరిషత్​ కార్యాలయంలో స్వచ్ఛ భారత్​ మిషన్​పై అధికారులతో కలెక్టర్​ వెంకట్రావ్​ సమీక్షించారు. మండలంలో కేవలం 57 శాతం మాత్రమే మరుగుదొడ్ల నిర్మాణం జరగడంపై... ఎంపీడీవోను ప్రశ్నించారు. పది రోజుల్లో వంద శాతం మరుగుదొడ్ల నిర్మాణం పూర్తి చేయాలని ఆదేశించారు. నిర్మాణాలు చేపట్టని వారికి ప్రభుత్వ పథకాలు నిలిపివేయాలని ఆదేశించారు. సమీక్షా సమావేశానికి హాజరుకాని అధికారులకు షోకాజ్​ నోటీస్​లు ఇచ్చారు. ఈ కార్యక్రమంలో డీఆర్డీవో రఘవీరారెడ్డి, ఎగ్జిక్యూటివ్​ ఇంజినీర్​ విజయానంద్​ పాల్గొన్నారు.

ఇవీ చూడండి: జులై 15 వరకు పూర్తి చేయాలి: ఎర్రబెల్లి