నల్గొండ జిల్లాలో 21 ఏళ్ల యువకుడు కొవిడ్ బారిన పడినట్లు వైద్యాధికారి తెలిపారు. తిప్పర్తి మండలానికి చెందిన యువకుడు యాదాద్రి జిల్లా రాజపేట మండలంలోని తన బంధువు ఇంటికి వెళ్లి వచ్చిన తర్వాత కడుపులో నొప్పితో నల్గొండ ఆసుపత్రికి వెళ్లాడు.
నల్గొండ ఆసుపత్రిలో స్కానింగ్ చేసిన వైద్యులు గుండె కింద నీరు చేరిందని హైదరాబాద్ వెళ్లాలని సూచించారు. సదరు యువకుడు హైదరాబాద్లోని ఓ కార్పొరేట్ ఆసుపత్రిలో పరీక్షలు చేయించుకోగా.. కరోనా పాజిటివ్ ఉన్నట్లు తేలింది. యువకున్ని గాంధీ ఆసుపత్రికి తరలించిన అధికారులు అతని కుటుంబ సభ్యులు 16మందికి హోం క్వారంటైన్ విధించారు.
ఆదివారం రోజు సూర్యాపేట, యాదాద్రి జిల్లాల్లో ఒక్కో కేసు వెలుగు చూసింది. ఉమ్మడి నల్గొండ జిల్లాలో 24 గంటల్లో 3 కరోనా పాజిటివ్ కేసులు నమోదైనట్లు అధికారులు గుర్తించారు.
ఇదీ చూడండి: మంత్రి జగదీశ్రెడ్డి వర్సెస్ ఉత్తమ్కుమార్రెడ్డి
