తెలంగాణ సమాజం సీఎం కేసీఆర్ వెంట నడుస్తోందని విద్యుత్ శాఖ మంత్రి జగదీశ్ రెడ్డి అన్నారు. ఇందుకు నాగార్జున సాగర్ ఫలితమే నిదర్శనమన్నారు. తెరాస అభ్యర్థి నోముల భగత్ను గెలిపించిన సాగర్ ప్రజలకు ధన్యవాదాలు తెలిపారు. కేసీఆర్ను భాజపా, కాంగ్రెస్ వాళ్లు సభ్యత లేకుండా మాట్లాడారని.. దుబ్బాక ఒక్కటి గెలిచిన కాషాయం పార్టీ వారు ఎగిరి పడ్డారని విమర్శించారు.
సాగర్లో జానారెడ్డి గెలవకపోతే రాజకీయ సన్యాసం తీసుకుంటానని కోమటిరెడ్డి వెంకట్ రెడ్డి ఛాలెంజ్ చేశారని... మరి ఇప్పుడు ఏం సమాధానం చెబుతారో చూడాలన్నారు. కోమటిరెడ్డి బ్రదర్స్కు మతిస్థిమితం లేకుండా పోయిందని విమర్శించారు. రాష్ట్రంలో కాంగ్రెస్ కనుమరుగు అయిందన్నారు.
ఇదీ చదవండి: పక్కా వ్యూహం.. ప్రణాళిక ప్రకారం ప్రచారం
