సాగర్​కు భారీ వరద... 4 గేట్ల ఎత్తివేత.. 311 టీఎంసీల నీటినిల్వ

నాగార్జునసాగర్ జలాశయం క్రస్ట్ గేట్స్ మరోసారి తెరుచుకున్నాయి. ఎగువ నుంచి వస్తున్న భారీ వరదను ముందస్తుగా అంచనా వేసి జలాశయం అధికారులు 4 క్రస్ట్ గేట్లను 10 అడుగుల మేర ఎత్తారు. ఫలితంగా 60 వేల క్యూసెక్కుల నీరు దిగువకు విడుదల చేస్తున్నారు.

నిండుకుండలా సాగర్..

నాగార్జునసాగర్ జలాశయం నిండు కుండల మారింది. శ్రీశైలం ప్రాజెక్ట్ నుంచి సాగర్​కు 2 లక్షల 13 వేల 028 క్యూసెక్కుల వరద నీరు వచ్చి చేరుతుంది. నాగార్జున సాగర్ జలాశయం మొత్తం నీటి మట్టం 590 అడగులు కాగా ప్రస్తుతం 589.70 అడుగులుగా ఉంది.

సాగర్​కు భారీ వరద... 4 గేట్ల ఎత్తివేత.. 311 టీఎంసీల నీటినిల్వ

పూర్థిస్థాయి నీటిమట్టం...

312.04 టీఎంసీల నీటి నిల్వ సామర్థ్యం ఉండగా.. ప్రస్తుతం 311.14 టీఎంసీలకు చేరుకుంది. ఫలితంగా సాగర్​లో పూర్థిస్థాయి నీటిమట్టం ఉంది. గేట్లు ఎత్తడంతో 25 వేల క్యూసెక్కుల నీటిని సాగర్ ప్రధాన విద్యుత్ ఉత్పత్తి కేంద్రం ద్వారా, 7 వేల 878 క్యూసెక్కుల నీరు కుడి కాల్వకు,1800 క్యూసెక్కుల నీరు ఎస్​ఎల్​బీసీకి మొత్తం కలిపి సాగర్ నుంచి 1,00,300 క్యూసెక్కుల నీరు ప్రాజెక్టు నుంచి ఔట్​ఫ్లోగా వెళ్తోంది.

సాగర్​కు భారీ వరద... 4 గేట్ల ఎత్తివేత.. 311 టీఎంసీల నీటినిల్వ

ఇప్పటికే మూడు సార్లు గేట్లు ఎత్తివేత..

నాగార్జున సాగర్ జలాశయం క్రస్ట్ గేట్లను గత నెల నుంచి నేటికి 3 సార్లు ఎత్తారు. ఇదే వరద కొనసాగితే మరికొన్ని గేట్లు ఎత్తే అవకాశం ఉందని ప్రాజెక్ట్ అధికారులు వెల్లడించారు.

ఇవీ చూడండి : కలిసి సేవలందించనున్న రెవెన్యూ, రిజిస్ట్రేషన్​ శాఖలు!