హుజూర్నగర్ నియోజకవర్గాన్ని 1994 నుంచి అన్ని విధాలుగా అభివృద్ధి చేశానని టీపీసీసీ అధ్యక్షుడు ఉత్తమ్ కుమార్ రెడ్డి అన్నారు. సూర్యాపేట జిల్లా నక్కగూడెంలో కాంగ్రెస్ పార్టీ అభ్యర్థి ఉత్తమ్ పద్మావతి తరఫున ఎన్నికల ప్రచారం నిర్వహించారు. కేసీఆర్కు ఎన్నికల భయం పట్టుకుని.. రెండు రోజుల క్రితం కేవలం హుజూర్నగర్ రైతులకే రైతుబంధు చెక్కులు బ్యాంకులో జమ చేశారన్నారు. ప్రభుత్వం ఇచ్చిన హామీలలో ఏ ఒక్కటీ నెరవేర్చలేదని ఆరోపించారు. అధికార పార్టీ నాయకులు డబ్బులు, మద్యం పంపిణీ చేస్తారని.. ప్రలోభాలకు లొంగి కారు గుర్తుకు ఓటు వేయొద్దని.. హస్తం గుర్తుకే ఓటు వేయాలని పిలుపునిచ్చారు.
కేసీఆర్కు ఉపఎన్నిక భయం పట్టుకుంది: ఉత్తమ్
