నల్గొండ జిల్లా దామరచర్ల మండలం తిమ్మాపురం శివారులోని అటవీ భూములను ఓ ప్రజాప్రతినిధి కబ్జా చేస్తున్నాడని గ్రామస్థులు ఆరోపిస్తున్నారు. స్థానికంగా పట్టు ఉన్న ఓ ప్రజాప్రతినిధి 3 సంవత్సరాల క్రితం పది ఎకరాల ఫారెస్ట్ భూమిని ఆక్రమించుకున్నారని తెలిపారు. ఆ స్థలాన్ని చదును చేసి 2019లో ఎకరాన్ని రూ. ఆరు లక్షలకు అమ్ముకున్నారని గ్రామస్థులు చెప్పారు.
ప్రస్తుతం మరో 20 ఎకరాల అటవీ భూమిని రాత్రిపూట జేసీబీలు, డోజర్ల సాాయంతో చదును చేస్తున్నారన్నారు. అటవీ అధికారులకు ఈ విషయాన్ని చెప్తే... ఒక వాహనాన్ని సీజ్ చేసి నామమాత్రపు ఫైన్తో సరిపెట్టారని గ్రామస్థులు పేర్కొన్నారు. సదరు ప్రజాప్రతినిధిపై చర్యలు తీసుకొని అటవీ భూములను కాపాడాలని తిమ్మాపురం, బడాయిగడ్డ గ్రామస్థులు మిర్యాలగూడ ఆర్డీవోకి ఫిర్యాదు చేశారు.
ఇదీ చదవండి: 'వేసవిలో భారత్ కరోనాను జయించొచ్చు!'
