గుట్కా, నల్లబెల్లం పట్టివేత.. ఇద్దరిపై కేసు

గుట్కా, నల్లబెల్లాన్ని పోలీసులు స్వాధీనం చేసుకున్నారు. ఇద్దరిపై కేసు నమోదు చేశారు.

నల్గొండ జిల్లా చింతపల్లి మండలం కుర్మేడ్​ ఎక్స్​రోడ్డు వద్ద పోలీసులు కిరాణం దుకాణాల్లో ఆకస్మిక తనిఖీలు నిర్వహించారు. ఈ తనిఖీల్లో గంజి క్రిష్ణయ్య అనే వ్యక్తి నిర్వహిస్తున్న దుకాణంలో సుమారు లక్ష రూపాయలు విలువ చేసే నిషేధిత గుట్కాను పోలీసులు పట్టుకున్నారు.

హైదరాబాద్​ నుంచి వస్తోన్న వాహనాలు తనిఖీ చేస్తుండగా ఓ ఆటోలో తరలిస్తోన్న 220 కిలోల నల్లబెల్లాన్ని పోలీసులు గుర్తించారు. నల్లబెల్లాన్ని, ఆటోను స్వాధీనం చేసుకుని స్టేషన్​కు తరలించారు. ఆటో డ్రైవర్​తోపాటు కిరాణా దుకాణం యజమానిపై పోలీసులు కేసు నమోదు చేశారు.

• ఇవీ చూడండి: నకిలీ విత్తన విక్రయాలపై ఉక్కుపాదం.!