వాట్సాప్ గ్రూప్ వార్​తో మొదలై.. పలువురు ఆసుపత్రిలో చేరేదాకా..!

ఇద్దరు ప్రజాప్రతినిధుల తనయుల వాట్సాప్ చాటింగ్ గొడవకు దారి తీసింది. గ్రామంలోని సమస్యలపై సింగిల్ విండో ఛైర్మన్​, సర్పంచ్ కుమారుల మధ్య వివాదం నడిచింది. ఈ సమస్య కాస్తా చినికి చినికి గాలివానలా మారింది. దీంతో రెండు వర్గాలు ఒకరిపై ఒకరు దాడి చేసుకున్నారు.

వారిద్దరు ప్రజాప్రతినిధుల తనయులు. గ్రామంలోని సమస్యలను చర్చించటానికి వాట్సాప్​ను వేదికగా చేసుకున్నారు. ఇంతలో ఏమైందో వాట్సాప్​ గొడవ కాస్తా భౌతిక దాడులకు దారి తీసింది. నాగర్​కర్నూల్ జిల్లా పెద్దకొత్తపల్లి మండలం సాతపూర్​లో ఇరు వర్గాలు ఒకరి ఇంటిపై ఒకరు దాడులకు పాల్పడ్డారు.

గ్రామంలోని సమస్యలపై రాత్రి సింగిల్​విండో ఛైర్మన్​ తనయుడు, సర్పంచ్ తనయుడు సామాజిక మాధ్యమంలో చాటింగ్ చేసుకున్నారు. వారిద్దరి మధ్య వివాదం కాస్తా రగిలి పెద్ద గొడవగా మారింది. తెరాసకు చెందిన ఇరు వర్గాలు రాళ్లు, కర్రలతో దాడులు చేసుకున్నాయి. ఈ సంఘటనలో పలువురికి గాయాలవ్వగా వారిని మహబూబ్​నగర్​ ఆస్పత్రికి తరలించారు. సమాచారం అందుకున్న పోలీసులు గ్రామంలో 144 సెక్షన్​ విధించి, పికెటింగ్​ ఏర్పాటు చేశారు.

ఇదీ చూడండి:రైతులను మోసం చేసేందుకు తెరాస కొంగ జపం: పొన్నాల