నాగర్ కర్నూల్ జిల్లా ఉప్పునుంతల మండలం కాంసానిపల్లి గ్రామంలో శుక్రవారం తెల్లవారుజామున ఓ వ్యక్తి కరోనాతో మృతి చెందారు. ఆ వ్యక్తి ఇంట్లో కుటుంబ సభ్యులు జ్వరంతో బాధపడుతుండడంతో అంత్యక్రియలు నిర్వహించేందుకు ఎవరూ ముందుకు రాలేదు. దీంతో ఆ గ్రామ సర్పంచ్ కర్నె లక్ష్మీనారాయణ స్పందించారు.
వెంటనే ఆరోగ్య సిబ్బందితో మాట్లాడి పీపీఈ కిట్లను తెప్పించారు. ముందుగా ఆయన కిట్ను ధరించి అంత్యక్రియలు నిర్వహించేందుకు ముందుకు కదిలారు. ఆ తరువాత మృతుడి బంధువులు, పంచాయతీ సిబ్బంది సహకారం అందించారు. అందరూ కలిసి ట్రాక్టర్లో మృతదేహాన్ని తరలించి అంత్యక్రియలు నిర్వహించారు.
ఇదీ చదవండి: కరుణ చూపని ఆస్పత్రులు.. గాల్లో కలిసిన రెండు ప్రాణాలు
