'గెలిపించండి... పార్లమెంట్​లో ప్రజా సమస్యలు వినిపిస్తా'

మల్కాజిగిరి పార్లమెంట్ అభ్యర్థి రేవంత్ రెడ్డి పరేడ్​ గ్రౌండ్​లో ప్రచారం నిర్వహించారు. ప్రతిపక్షం అనేదే లేకుండా చేయాలని తెరాస ప్రభుత్వం చూస్తోందని రేవంత్ వ్యాఖ్యానించారు. తనను గెలిపిస్తే ప్రజా గొంతుకనై ఉంటానని హామీ ఇచ్చారు.

మల్కాజిగిరి పార్లమెంట్ కాంగ్రెస్ అభ్యర్థి రేవంత్ రెడ్డి ప్రచారం ముమ్మరం చేశారు. సికింద్రాబాద్​ పరేడ్ గ్రౌండ్​లో ప్రచారం నిర్వహిస్తూ యువతతో ముచ్చటించారు. ఈ మైదానంలో సచివాలయం నిర్మిస్తానని కేసీఆర్ అంటున్నారని వ్యాఖ్యానించారు. 5 ఏళ్ల పాలనలో ఐదు సార్లు కూడా సెక్రటేరియట్​కు రాని వ్యక్తి కొత్తగా సచివాలయం నిర్మిస్తాననడం హాస్యాస్పదంగా ఉందని ఎద్దేవా చేశారు. ప్రజాగొంతుకను వినిపించే నాయకుడినే ప్రజలు కోరుకుంటున్నారని... అందుకోసం తనను ఎన్నికల్లో గెలిపించాలని అభ్యర్థించారు.

ఇవీ చూడండి:భాజపా ధనికుల పార్టీ.. కాంగ్రెస్​ రైతు పక్షపాతి!