మద్యం తాగించి కత్తితో పొడిచి.. ప్రాణం తీసిన వివాహేతర బంధం

భార్యతో వివాహేతర సంబంధం పెట్టుకున్నాడనే నెపంతో మద్యం తాగించి కత్తితో పొడిచి చంపిన ఘటన మేడ్చల్​ జిల్లా ఘట్కేసర్​ పీఎస్​ పరిధిలో చోటు చేసుకుంది. పోలీసులు కేసు నమోదు చేసుకుని దర్యాప్తు చేస్తున్నారు.

మేడ్చల్ జిల్లా ఘట్కేసర్ పోలీస్​స్టేషన్ పరిధిలో ఓ వ్యక్తి దారుణ హత్యకు గురయ్యాడు. మైసమ్మగుట్ట వద్ద మన్సూరాబాద్​కు చెందిన సైదులు, ఎల్​బీ నగర్ ప్రాంతానికి చెందిన యాదగిరి అనే వ్యక్తి మద్యం సేవించారు. మత్తులో ఉన్న సైదులుపై యాదగిరి కత్తితో దాడి చేశాడు. దీంతో తీవ్ర గాయాలు కావడం వల్ల సైదులు అక్కడిక్కడే మృతి చెందాడు.

యాదగిరి కత్తితో నేరుగా ఘట్​కేసర్ ఠాణాకు వెళ్లి లొంగిపోయాడు. భార్యతో మృతుడు సైదులు కొన్ని రోజులుగా వివాహేతర సంబంధం పెట్టుకున్నాడన్న నెపంతో మద్యం సేవించేందుకు తీసుకెళ్లి హత్య చేశానని నిందితుడు పోలీసుల వద్ద నిజం ఒప్పుకున్నాడు.

ఇవీ చూడండి: భార్య డబ్బులు ఇవ్వలేదని 6నెలల బిడ్డను చంపేశాడు..