కేంద్రానికి వాటా ఉంది... చొరవ తీసుకోవాలి: రేవంత్​

కాంగ్రెస్​ మల్కాజ్​గిరి ఎంపీ రేవంత్​రెడ్డి పార్లమెంట్​లో రాష్ట్ర సర్కార్​పై ధ్వజమెత్తారు. ఆర్టీసీ సమ్మె గత 52 రోజులుగా జరిగిన ముఖ్యమంత్రి పట్టించుకోవడం లేదని మండిపడ్డారు. కార్మికులు విధుల్లో చేరుతామని చెప్పినా... ప్రభుత్వం స్పందించడంలేదని అన్నారు.

తెలంగాణ గత 52 రోజులుగా జరిగిన సమ్మెను పార్లమెంట్​లో కాంగ్రెస్​ మల్కాజ్​గిరి ఎంపీరేవంత్​రెడ్డి ప్రస్తావించారు. ప్రభుత్వం కార్మికులను అసలు పట్టించుకోవట్లేదని, కేంద్రం సమస్యను పరిష్కరించాలని డిమాండ్​ చేశారు.

గత 52 రోజులుగా కార్మికులు సమ్మె చేస్తున్నా... 30 మందికి పైగా కార్మికులు చనిపోయినా... రాష్ట్ర ప్రభుత్వం పట్టించుకోవట్లేదని కేంద్రం దృష్టికి తెచ్చారు. ఈ రోజు వరకు రాష్ట్ర ప్రభుత్వం చర్చలు జరపలేదని, సమ్మె ముగించి ఉద్యోగాల్లో తిరిగి చేరుతామన్నా... ప్రభుత్వం వినే పరిస్థితిలో లేదని మండిపడ్డారు.

బాబు అనే కరీంనగర్​కు చెందిన ఆర్టీసీ కార్మికుడు చనిపోతే... అంత్య క్రియల్లో జరిగిన గొడవలో ఎంపీ బండి సంజయ్​పై రాష్ట్ర పోలీసులు దాడి చేశారని... బాధ్యులపై చర్యలు తీసుకోవాలని కోరారు. కేసీఆర్​ ప్రభుత్వం తెలంగాణ ఆర్టీసీని ప్రైవేట్​ పరం చేసే ఆలోచన చేస్తోందని... 33శాతం కేంద్రం వాటా కూడా ఉందని... కావునా కేంద్ర ప్రభుత్వం చొరవ తీసుకోని చర్యలు తీసుకోవాలని డిమాండ్​ చేశారు.

ఇదీ చూడండి: కాంగ్రెస్​-శివసేన-ఎన్​సీపీ కూటమిపై అమిత్ షా ఫైర్​