భాజపాని గెలిపిస్తే మచ్చ బొల్లారం డివిజన్లో సమస్యలు పరిష్కరించి అభివృద్ధి చేస్తానని భాజపా అభ్యర్థి సర్వ నరేష్ హామీ ఇచ్చారు. జీహెచ్ఎంసీ ఎన్నికల్లో భాగంగా మధుర నగర్, ప్రేమ్ నగర్ ప్రాంతాల్లో భాజపా నాయకులు విస్తృతంగా ప్రచారం నిర్వహించారు. తెరాస పార్టీకి ప్రత్యామ్నాయంగా భాజపా దూసుకెళ్తోందని అన్నారు.
డివిజన్లో అనేక సమస్యలు ఉన్నాయని రోడ్లు, డ్రైనేజీ వ్యవస్థ సరిగా లేక ప్రజలు తీవ్ర ఇబ్బందులు పడుతున్నారని నరేష్ పేర్కొన్నారు. వరద బాధితులకు పూర్తి స్థాయిలో ఆర్థిక సహాయం అందించడంలో తెరాస పూర్తిగా విఫలమైందని ఆరోపించారు. భాజాపా అభ్యర్థిగా తనను గెలిపిస్తే అభివృద్ధి పథంలో డివిజన్ని తీర్చిదిద్దుతానని హామీ ఇచ్చారు.
ఇదీ చదవండి: హైదరాబాద్ పేరు భాగ్యనగర్గా మారుస్తాం: అర్వింద్
