మేడ్చల్ జిల్లా బాలానగర్ జోన్ పరిధిలోని పేకాట, బొమ్మబొరుసు ఆట ఆడుతున్న వారిపై ఎస్ఓటీ పోలీసులు దాడి చేశారు. మేడ్చల్ జిల్లా పేట్ బషీరాబాద్లోని ఏఎంఆర్ గార్డెన్స్లో పేకాట ఆడుతున్నారనే విశ్వసనీయ సమాచారంతో బాలానగర్ స్పెషల్ ఆపరేషన్ టీం పోలీసులు దాడి చేసి... ఎనిమిది మందిని అదుపులోకి తీసుకున్నారు. వారి నుంచి రూ.85 వేల నగదు స్వాధీనం చేసుకుని పేట్ బషీరాబాద్ పోలీసులకు అప్పగించారు.
13మంది అదుపులోకి..
మరోవైపు మేడ్చల్ పరిధిలోని శ్రీ రంగవరంలో బొమ్మబొరుసు ఆడుతున్న 13 మందిని అదుపులోకి తీసుకున్నారు. నిందితుల వద్ద నుంచి రూ.70 వేల నగదును స్వాధీనం చేసుకున్నారు. పట్టుబడ్డ వారిని మేడ్చల్ పోలీస్ స్టేషన్లో అప్పగించారు.
ఇవీ చూడండి : రాష్ట్రంలో రాగల మూడు రోజులపాటు అక్కడక్కడా వర్షాలు
