పొలం దున్నుతుండగా ట్రాక్టర్​ బోల్తా... రైతు మృతి

పొలం దున్నుతుండగా ట్రాక్టర్​ బోల్తాపడి స్వామి అనే వ్యక్తి మృతి చెందిన విషాద ఘటన మెదక్​ జిల్లాలోని ఇబ్రహీంపూర్​ గ్రామంలో చోటుచేసుకుంది. స్వామి మృతితో గ్రామంలో విషాదఛాయలు అలుముకున్నాయి.

మెదక్ జిల్లా చేగుంట మండలం ఇబ్రహీంపూర్ గ్రామంలో విషాదం చోటుచేసుకుంది. గ్రామానికి చెందిన స్వామి(30) వరినాట్ల కోసం వ్యవసాయ బావి వద్ద ట్రాక్టర్​తో పొలం దున్నుతుండగా ట్రాక్టర్ అదుపుతప్పి బోల్తా పడింది.

డ్రైవర్ స్వామి ట్రాక్టర్ కింద పడి అక్కడికక్కడే మృతిచెందాడు. స్వామి మృతితో ఇబ్రహీంపూర్ గ్రామంలో విషాదఛాయలు అలుముకున్నాయి. పోలీసులు కేసు నమోదు చేసుకుని దర్యాప్తు చేపట్టారు.

ఇవీ చూడండి: పాము కాటుతో అన్నదాత మృతి