భవిష్యత్తు తరాలను పచ్చగా చేసేందుకే అడవుల పునరుద్ధరణ: హరీశ్​రావు

మెదక్​ జిల్లాలో ఆరో విడత హరితహారం కార్యక్రమంలో మంత్రి హరీశ్ రావు పాల్గొన్నారు. సీఎం కేసీఆర్ సూచన మేరకు అడవుల పునరుద్ధరణను విజయవంతం చేస్తామని మంత్రి వెల్లడించారు. అడవుల ప్రాముఖ్యత అందరికీ తెలిసేలా చేసిన గొప్పవ్యక్తి కేసీఆర్​ అని కొనియాడారు.

మెదక్​ జిల్లాలో మొత్తం 58 వేల హెక్టార్లో అడవులు ఉన్నాయని మంత్రి హరీశ్ రావు తెలిపారు. హరితహారంలో భాగంగా ఈ ఏడాది 12 వేల హెక్టార్లలో అడవిని అభివృద్ధి చేస్తున్నట్లు మంత్రి పేర్కొన్నారు. మెదక్​ జిల్లాలోని ఆరో విడత హరితహారంలో భాగంగా ముఖ్యమంత్రి కేసీఆర్​తో కలిసి ఆయన పాల్గొన్నారు.

రాబోయే తరాల కోసమే అడవుల పునరుద్ధరణను ముఖ్యమంత్రి చేపట్టారు. అడవుల ప్రాముఖ్యత అందరికీ తెలిసేలా చేసిన ఘనత ఆయనది. సీఎం సూచనల మేరకు అడవుల పునరుద్ధరణను విజయవంతం చేస్తాం. మెదక్ జిల్లాలో 58వేల హెక్టార్లో అడవులు ఉన్నాయి. ఈ ఏడాది 12 వేల హెక్టార్లలో అడవిని అభివృద్ధి చేస్తాం. 469 పంచాయతీల్లో నర్సరీలు ఏర్పాటు చేసి... మొక్కలు పెంచాం.

-మంత్రి హరీశ్ రావు

మెదక్ జిల్లాలో రెండు నెలల్లో రైతు వేదికలు అందుబాటులోకి తీసుకొస్తామని మంత్రి హరీశ్‌రావు పేర్కొన్నారు. జిల్లాలోని 2.60 లక్షల ఎకరాల్లో నియంత్రిత విధానంలో సాగు చేస్తున్నట్లు వెల్లడించారు.

ఇవీ చూడండి: సమష్టికృషితో నర్సాపూర్‌ అటవీప్రాంతానికి పునర్జీవం: సీఎం