'పెండింగ్​లో ఉన్న పనులు వెంటనే పూర్తిచేయండి'

మెదక్​ జిల్లాలో సీసీ రోడ్ల నిర్మాణంతో పాటు పెండింగ్​లో ఉన్న పనులను వెంటనే పూర్తిచేయాలని కలెక్టర్​ ధర్మారెడ్డి సూచించారు. సోమవారం వివిధ శాఖల అధికారులతో ఎమ్మెల్యే క్యాంపు కార్యాలయంలో ఆయన సమీక్షా సమావేశం నిర్వహించారు.

మెదక్​ జిల్లా నర్సాపూర్​లోని ఎమ్మెల్యే క్యాంపు కార్యాలయంలో వ్యవసాయ, నీటిపారుదల, రెవెన్యూ పంచాయతీరాజ్​శాఖల నియోజకవర్గ అధికారులతో కలెక్టర్​ సమీక్షా సమావేశం నిర్వహించారు. పెండింగ్​లో ఉన్న పనులకు సకాలంలో పూర్తి చేయాలని అధికారులతో ఎమ్మెల్యే మదన్​రెడ్డి, కలెక్టర్​ ధర్మారెడ్డి సూచించారు.

ప్రభుత్వం సూచించిన పంటలనే రైతులంతా సాగుచేసేలా అధికారులు చర్యలు తీసుకోవాలన్నారు. అలా సాగుచేస్తేనే పథకాలు వస్తాయని చెప్పాలన్నారు. సీసీ రోడ్ల నిర్మాణంతో పాటు పెండింగ్​లో ఉన్న పనులను వెంటనే పూర్తిచేయాలన్నారు.

ఇదీ చూడండి : ప్రతిధ్వని: స్కూళ్లు తెరుచుకుంటాయా.. తరగతుల నిర్వహణ సాధ్యమేనా?