మెదక్ జిల్లా చేగుంటలో జాతీయ రహదారి వెంట సొంత రాష్ట్రాలకు తరలిపోతున్న వలస కార్మికులకు ఆహారం ప్యాకెట్లతో పాటు పాదరక్షలు అందజేశారు జిల్లా కలెక్టర్ ధర్మారెడ్డి. ఈ కార్యక్రమంలో కలెక్టర్తో పాటు ఎమ్మార్వో విజయలక్ష్మీ, ఇతర అధికారులు పాల్గొన్నారు.
లాక్డౌన్ కారణంగా వందల కిలోమీటర్లు నడిచి వెళ్తున్న వారి ఆకలి తీర్చేందుకే ఈ కార్యక్రమం చేపట్టినట్లు కలెక్టర్ ధర్మారెడ్డి తెలిపారు. లాక్డౌ పూర్తయ్యేవరకు ఎవరూ ఇంట్లోంచి బయటకు రాకూడదని తెలిపారు. అత్యవసర సమయాల్లో బయటకు వచ్చినవారు తప్పకుండా మాస్కులు ధరించాలని సూచించారు.
ఇవీ చూడండి: కాలిబాటపై మృతదేహం... తండ్రి కోసం పిల్లల ఆరాటం
