మెదక్ జిల్లా కలెక్టర్ ధర్మారెడ్డి జిల్లాలో డీఎల్పీఓ, ఎంపీడీఓలు, ఎంపీఓలు, పంచాయతీ సెక్రటరీలతో టెలీకాన్ఫరెన్ నిర్వహించారు. జిల్లాలోని ఆయా గ్రామాల్లో శ్మశానవాటికలు, రైతువేదికలు, రైతు కల్లాలు, డంపుయార్డుల నిర్మాణాలు ఏఏ స్థాయిలో ఉన్నాయనే వివరాలను అడిగి తెలుసుకున్నారు. ఈ పనుల విషయంలో అధికారులు ఏమాత్రం నిర్లక్ష్యం వహించినా కఠన చర్యలు తప్పవని హెచ్చరించారు.
పనులు వేగంగా పూర్తి చేయడమే కాకుండా వాటిలో నాణ్యత లోపించకుండా చూసే బాధ్యత కూడా అధికారులదేనని కలెక్టర్ తెలిపారు. ఈ వర్షాకాలంలో దోమలు ఎక్కువగా వచ్చి సీజనల్ వ్యాధులు ప్రబలే అవకాశం ఉన్నందున శుక్రవారాన్ని డ్రై డేగా పాటించాలని కోరారు. అన్ని విషయాల్లోనూ మెదక్ జిల్లాను ప్రథమ స్థానంలో నిలిచేలా అధికారులు కృషి చేయాలని కలెక్టర్ ధర్మారెడ్డి సూచించారు.
ఇవీ చూడండి: రాష్ట్రంలో అంతకంతకూ విజృంభిస్తున్న కరోనా..
