ప్రజల్లో భయం పోగొట్టేందుకే.. నిర్బంధ తనిఖీలు

మెదక్​ జిల్లా నర్సాపూర్​లో పోలీసులు నిర్బంధ తనిఖీలు నిర్వహించారు. తనిఖీలు చేపట్టి సరైన పత్రాలు లేని 27 ద్విచక్ర వాహనాలు, ఐదు ఆటోలను స్వాధీనం చేసుకున్నారు.

మెదక్ జిల్లా నర్సాపూర్​లోని సునీతా లక్ష్మారెడ్డి కాలనీలో పోలీసులు నిర్బంధ తనిఖీలు చేశారు. సీఐ నాగయ్య నేతృత్వంలో ఐదుగురు ఎస్​ఐలు, 50 మంది పోలీసుల బృందం తనిఖీల్లో పాల్గొన్నారు.

సరైన పత్రాలు లేని 27 ద్విచక్ర వాహనాలు, ఐదు ఆటోలను పోలీసులు స్వాధీనం చేసుకున్నారు. అనుమానాస్పద వ్యక్తులు కనిపిస్తే ప్రజలు అప్రమత్తమై వెంటనే సమాచారం తెలియజేయాలని సీఐ నాగయ్య సూచించారు.

ఇదీ చూడండి : ఆర్టీసీ సమ్మెపై హైకోర్టులో నేడు మరోసారి విచారణ