కరోనా నేపథ్యంలో రాష్ట్ర ప్రభుత్వం నిర్వహిస్తున్న ఆన్లైన్ తరగతులకు... మహబూబ్ నగర్ జిల్లా గండేడ్ మండలం పగిడ్యాలలో కొంతమంది విద్యార్థులు దూరమయ్యారు. టీవీలు, స్మార్ట్ఫోన్లు లేకపోవడం వల్లనే ఇలా జరిగిందని... ఈటీవీ భారత్లో కథనం వచ్చింది. కథనానికి స్పందించిన పరిగి ఎమ్మెల్యే మహేష్ రెడ్డి... పగిడ్యాలకు వెళ్లి విద్యార్థుల పరిస్థితిపై ఆరా తీశారు.
విద్యార్థులంతా నిరుపేద కుటుంబానికి చెందినవారు కావడం, తల్లిదండ్రులు లేనివారు ఉన్నారని ఎమ్మెల్యే దృష్టికి వచ్చింది. అందుకే ఆన్లైన్లో పాఠాలు వినలేకపోయారని తెలుసుకొని... వారికి స్మార్ట్ ఫోన్లు కొనిచ్చాడు. ఈ విద్యార్థుల దయనీయ పరిస్థితి ఈటీవీ భారత్ వెలుగులోకి తేవడం వల్లనే... వారిని ఆదుకునే అవకాశం కలిగిందని ఎమ్మెల్యే పేర్కొన్నారు. మారుమూల గ్రామాల్లోని సమస్యలు వెలికి తీయడంలో ఈనాడు-ఈటీవీ భారత్ ముందంజలో ఉంటాయని ప్రశంసించారు.
ఇదీ చదవండి: దేశంలో మరో 78,357 కేసులు, 1045 మరణాలు
