'ఒట్టేసి ఓటేద్దాం' కార్యక్రమంలో కలెక్టర్ రొనాల్డ్ రోస్

ప్రజాస్వామ్యంలో మంచిగా పనిచేసే అభ్యర్థిని ఓటు వేసి ఎన్నుకునే హక్కు మనకు ఉందని... దాన్ని డబ్బులకు, మందుకు, ఇతర వస్తువులకు అమ్ముకోకూడదని మహబాబ్​నగర్ జిల్లా కలెక్టర్ రొనాల్డ్ రోస్ సూచించారు. అనంతరం విద్యార్థులతో ఎలాంటి ప్రలోభాలకు లొంగకూడా ఓటేస్తామని ప్రతిజ్ఞ చేయించారు.

ఎవరు ఎక్కువ డబ్బు ఇస్తే... వారికే ఓటు వేసే పరిస్థితి వచ్చిందని మహబూబ్​నగర్ జిల్లా కలెక్టర్ రొనాల్డ్ రోస్ ఆవేదన వ్యక్తం చేశారు. ఎన్నికల అనంతరం అధికారంలోకి వచ్చిన రాజకీయ నాయకులు, ప్రజాప్రతినిధులు పని చేయడం లేదని బాధపడే పరిస్థితి వస్తుందని హెచ్చరించారు. జిల్లా కేంద్రంలోని మినీ ట్యాంక్ బండ్​పై విద్యార్థులకు, అంగన్వాడీ కార్యకర్తలకు ఏర్పాటు చేసిన 'ఒట్టేసి ఓటేద్దాం' కార్యక్రమంలో పాల్గొన్నారు.

నోటుకు, మద్యానికి లొంగకుండా ఓటు హక్కును వినియోగించుకుంటామని విద్యార్థులతో ప్రతిజ్ఞ చేయించారు.

ఇవీ చదవండి:'పోలీస్ దేహదారుఢ్య పరీక్షలు మళ్లీ నిర్వహించాలి'