మహబూబాబాద్ జిల్లా కురవిలోని ఏకలవ్య బాలికల గురుకుల పాఠశాల ప్రిన్సిపల్ను సస్పెండ్ చేయాలని డిమాండ్ చేస్తూ ఎస్‌ఎఫ్‌ఐ ఆధ్వర్యంలో రాస్తారోకో నిర్వహించారు. విద్యార్థులకు ముక్కిపోయిన బియ్యంతో వండిన భోజనం పెట్టారని నాయకులు ఆరోపించారు. ఆ భోజనం తిని విద్యార్థులు తీవ్ర ఇబ్బందులు పడ్డారన్నారు.
ప్రిన్సిపల్ నిర్లక్ష్యంతోనే ఈ ఘటన జరిగిందని... బాధ్యులైన అందరినీ తక్షణమే విధుల నుంచి తొలగించాలని డిమాండ్ చేశారు. ఆందోళనతో రహదారిపై వాహనాల రాకపోకలు నిలిచిపోయాయి. విషయం తెలుసుకున్న పోలీసులు అక్కడికి చేరుకుని ఎస్‌ఎఫ్‌ఐ నాయకులకు నచ్చజెప్పి ఆందోళనను విరమింపజేశారు.
