మహబూబూబాద్ జిల్లా తొర్రూరు డివిజన్ కేంద్రంలోని నితిన్ భవన్లో వందేమాతరం ఫౌండేషన్ ఆధ్వర్యంలో లక్ష విత్తన బంతులను తయారు చేశారు. రాష్ట్ర ప్రభుత్వం ప్రతిష్టాత్మకంగా చేపట్టిన హరితహారంలో భాగంగా ఈనెల 20న తొర్రూరు కేంద్రంగా ఈ విత్తన బంతులను చల్లుతామని ఫౌండేషన్ నిర్వాహకులు రవీందర్ తెలిపారు.
కౌన్సిల్ ఫర్ గ్రీన్ రెవెల్యూషన్ వారి సహకారంతో నితిన్ భవన్ విద్యార్థులు ఈ కార్యక్రమానికి శ్రీకారం చుట్టినట్లు రవీందర్ పేర్కొన్నారు. అడవి జాతికి చెందిన వేప, మారేడు, జువ్వి, జమ్మి, బొగడ వంటి 30 రకాల విత్తనాలతో వీటిని తయారు చేసినట్లు వివరించారు. జాతీయ రహదారి, కొండలు, గుట్టలు, చెరువు గట్లపై వీటిని విత్తనున్నట్లు తెలిపారు.
ఇదీచూడండి: కేసీఆర్ వడ్డీ వ్యాపారిలా వ్యవహరిస్తున్నారు: బండి సంజయ్
