రాష్ట్రవ్యాప్తంగా ప్రభుత్వాసుపత్రుల్లో సౌకర్యాలను మెరుగు పరచాలనే ఉద్దేశంతో సీఎం కేసీఆర్ డయాగ్నస్టిక్ హబ్ సెంటర్లను మంజూరు చేశారని గిరిజన సంక్షేమ శాఖ మంత్రి సత్యవతి రాఠోడ్ తెలిపారు. మహబూబాబాద్ జిల్లా కేంద్రంలోని జిల్లా ప్రధాన వైద్యశాలలో 2 కోట్ల 70 లక్షల రూపాయల వ్యయంతో ఏర్పాటు చేసిన డయాగ్నస్టిక్ సెంటర్ను మంత్రి ప్రారంభించారు.
ఈ పరీక్షా కేంద్రంలో 57 రకాల పరీక్షలను చేయవచ్చన్నారు. గతంలో ఈ పరీక్షల కోసం దూర ప్రాంతాలకు వెళ్లాల్సి వచ్చేదని, ఇప్పుడు ఆ ఇబ్బంది లేకుండా... కొవిడ్ రోగుల ఇన్ఫెక్షన్ శాతాన్ని కూడా తెలుసుకోవచ్చని సత్యవతి అన్నారు. త్వరలోనే సిటీ స్కాన్ బ్లాక్ను ప్రారంభిస్తామని హామీ ఇచ్చారు.
ఏ ఉద్దేశం కోసం లాక్డౌన్ విధించుకున్నామో దాన్ని సమర్థవంతంగా అమలు చేసేందుకు కృషి చేస్తున్నామని... అందరూ సహరించాలని కోరారు. మంత్రి కేటీఆర్ నాయకత్వంలో ఏర్పాటు చేసిన టాస్క్ ఫోర్స్ కమిటీ ఆక్సిజన్, ఔషధాలను ఎప్పటికప్పుడు సమకూరుస్తోందని తెలిపారు. ఈ కార్యక్రమంలో ఎమ్మెల్యే శంకర్ నాయక్, జిల్లా కలెక్టర్ గౌతమ్, జడ్పీ ఛైర్పర్సన్ బిందు ఇతర నాయకులు, ప్రజాప్రతినిధులు పాల్గొన్నారు.
ఇదీ చదవండి; రెండో విడతలోనూ గర్భిణులపై కొవిడ్ తీవ్ర ప్రభావం
