మహబూబాబాద్​లో పోలీసుల ఆకస్మిక సోదాలు

మహబూబాబాద్​లోని పలు కాలనీల్లో పోలీసులు ఆకస్మిక తనిఖీలు చేపట్టారు. ప్రతీ ఇంటినీ సోదాలు చేసి అనుమతి లేని పలు వాహనాలు, అక్రమంగా మద్యం సీసాలు, నిషేధిత పదార్థాలను స్వాధీనం చేసుకున్నారు.

మహబూబాబాద్ జిల్లా ఎస్పీ కోటిరెడ్డి ఆదేశాలతో పోలీసులు పట్టణంలోని పలు కాలనీలలో విస్తృత సోదాలు నిర్వహించారు. సరైన పత్రాలు లేని 17 ద్విచక్ర వాహనాలు, 2 ఇసుక ట్రాక్టర్లను సీజ్​ చేశారు. బెల్ట్ షాప్​లలో అక్రమంగా నిల్వ ఉన్న సుమారు 10 వేల విలువైన మద్యం సీసాలు, 30 లీటర్ల గుడుంబా, 200 లీటర్ల బెల్లం పానకం, 30 కేజీల నల్ల బెల్లo, 5 వేల విలువైన గుట్కా పొట్లాలు స్వాధీనం చేసుకున్నారు. అక్రమ వ్యాపారం చేసే వ్యక్తులపై కఠిన చర్యలు తీసుకుంటామన్నారు. సంఘ విద్రోహ శక్తులకు, అసాంఘిక కార్యకలాపాలకు పాల్పడే వారికి ఆశ్రయం కల్పించవద్దని హెచ్చరించారు.

ఇదీ చూడండి: నాగుపామును మింగిన 'శభాష్​'పల్లి కోడి