లాక్డౌన్లో ప్రజలంతా సీఎం కేసీఆర్ ఇచ్చిన పిలుపు మేరకు ప్రభుత్వ నిబంధనలను పాటిస్తున్నారని, అధికారులు బాగా పనిచేస్తున్నారని ఎంపీ మాలోత్ కవిత అన్నారు. మహబూబాబాద్ జిల్లా కేంద్రంలోని తన స్వగృహంలో ఆమె మాట్లాడారు. ఈ కరోనా ఎఫెక్ట్ వల్ల ఒకవైపు ప్రజాసేవ చేస్తూ... మరోవైపు కుటుంబ సభ్యులతో గడుపుతున్నానని ఆమె అన్నారు. అందులో భాగంగానే ఈ రోజు మామిడి కాయ పచ్చడి పెట్టామని మాలోత్ కవిత తెలిపారు.
మహబూబాబాద్ పార్లమెంట్ పరిధిలో ప్రారంభంలో కరోనా కేసులు నమోదైనా... ప్రస్తుతం గ్రీన్ జోన్లో ఉందని ఎంపీ వెల్లడించారు. వ్యాక్సిన్ వచ్చేవరకు ప్రతి ఒక్కరు మాస్కులు ధరించి, భౌతిక దూరం పాటిస్తూ జాగ్రత్తగా ఉండాలని ప్రజలకు సూచించారు.
ఇవీ చూడండి: లాక్డౌన్ ఈనెల 31 వరకు పొడిగింపు
