మహబూబాబాద్ జిల్లా బయ్యారం మండలంలోని పలు గ్రామాల్లో జడ్పీ ఛైర్పర్సన్ బిందు హరితహారం నిర్వహించారు. ఉప్పలపాడు, లక్ష్మీనరసింహపురం గ్రామాల్లోని శ్మశానవాటిక, డంపింగ్ యార్డు, రహదారికి ఇరువైపులా అధికారులతో కలిసి మొక్కలు నాటారు. వాతావరణంలో వస్తున్న అసాధారణ మార్పుల వల్లే కరోనా లాంటి ప్రాణాంతక జబ్బులు వస్తున్నాయని బిందు తెలిపారు.
మొక్కలు నాటి సంరక్షిస్తే అడవుల శాతం పెరిగి వాతావరణ సమతుల్యత ఏర్పడి జబ్బులు మాయమవుతాయని వివరించారు. ప్రతీ ఒక్కరు మొక్కలు నాటడమే కాకుండా వాటిని సంరక్షించే బాధ్యత తీసుకోవాలని కోరారు. ఈ కార్యక్రమంలో పీఏసీఎస్ ఛైర్మన్ మధుకర్ రెడ్డి, ప్రజాప్రతినిధులు, అధికారులు, గ్రామస్తులు పాల్గొన్నారు.
