పరిసరాలను పరిశుభ్రంగా ఉంచుకోవాలి: శంకర్ నాయక్

ఫ్రైడే.. డ్రైడే సందర్భంగా మహబూబాబాద్ జిల్లా కేంద్రంలోని పలువార్డుల్లో ఎమ్మెల్యే శంకర్ నాయక్ పర్యటించారు. రోడ్లపై పేరుకుపోయిన చెత్తని తొలగించారు. పరిసరాలను పరిశుభ్రంగా ఉంచుకోవాలని స్థానిక ప్రజలకు సూచించారు.

మన చుట్టూ ఉండే పరిసరాలను పరిశుభ్రంగా ఉంచుకోవాలని.. ఎప్పటికప్పుడు నీరు నిలువ లేకుండా చూసుకోవాలని ఎమ్మెల్యే శంకర్ నాయక్ అన్నారు. మహబూబాబాద్ జిల్లా కేంద్రంలో ఫ్రైడే.. డ్రైడే సందర్భంగా శంకర్ నాయక్ పలువార్డుల్లో పర్యటించారు. పట్టణంలోని 24 , 17, 7 వార్డుల్లో మురికి కాలువల్లో పేరుకుపోయిన చెత్తని తొలగించారు.

కరోన విజృంభిస్తోన్న సమయంలో ప్రజలందరూ మాస్కులు ధరించి, భౌతిక దూరం పాటించాలని ఎమ్మెల్యే అన్నారు. శానిటైజర్లను వాడుతూ పరిశుభ్రంగా ఉండాలని స్థానిక ప్రజలకు సూచించారు. ఈ కార్యక్రమంలో మహబూబాబాద్ మున్సిపల్ చైర్మన్ రాంమోహన్ రెడ్డి, స్థానిక వార్డు కౌన్సిలర్లు, నోడల్ ఆఫీసర్ డాక్టర్.రాజేష్, తెరాస నాయకులు, కార్యకర్తలు, స్థానిక ప్రజలు పాల్గొన్నారు.

ఇదీ చూడండి:గగనానికేగిన గానగంధర్వునికి రాష్ట్ర మంత్రుల సంతాపం