పెట్రోల్​, డీజిల్​ ధరలు తగ్గించాలని కాంగ్రెస్​ రాస్తారోకో

పెంచిన పెట్రోల్​, డీజిల్​ ధరలు తగ్గించాలని మహబూబాబాద్​ జిల్లా కేసముద్రం మండల కేంద్రంలో కాంగ్రెస్​ పార్టీ ఆధ్వర్యంలో రాస్తారోకో నిర్వహించారు. ప్రజలు ఉపాధి లేక ఇబ్బందులు పడుతుంటే.. ఇలా ధరలు పెంచి ప్రజలపై మరింత భారం వేయడం సరికాదని ఆగ్రహం వ్యక్తం చేశారు.

మహబూబాబాద్​ జిల్లా కేసముద్రం మండల కేంద్రంలోని అంబేద్కర్​ సెంటర్​లో కాంగ్రెస్​ శ్రేణులు రాస్తారోకో నిర్వహించారు. పెంచిన పెట్రోల్​, డీజిల్​ ధరలు తగ్గించాలని, పెట్రోల్​, డీజిల్​లను జీఎస్టీ పరిధిలోకి తేవాలని డిమాండ్​ చేస్తూ నినాదాలు చేశారు. ప్రస్తుత పరిస్థితుల్లో కేంద్ర రాష్ట్ర ప్రభుత్వాలు అనుసరిస్తున్న ప్రజా వ్యతిరేక విధానాలు నశించాలంటూ.. డిమాండ్​ చేశారు.

ఒకే నెలలో అనేకసార్లు పెట్రోల్, డీజిల్ ధరలు పెంచి, పేద, మధ్య తరగతి ప్రజలపై అదనపు భారం వేయడం కేంద్ర ప్రభుత్వానికి సరికాదని కాంగ్రెస్​ రాష్ట్ర నాయకులు దస్రూ నాయక్​ అన్నారు. కరోనా సాయంగా ప్రభుత్వం ఇచ్చిన రూ.1500 పెంచిన ధరలకు ఏమాత్రం సంబంధం లేదన్నారు. కాంగ్రెస్ పార్టీ అధికారంలో ఉన్నప్పుడు డీజిల్, పెట్రోల్, వంట గ్యాస్ ధరలు ఈ స్థాయిలో పెంచలేదని అన్నారు. పెంచిన పెట్రోల్, డీజిల్​ ధరలు వెంటనే తగ్గించకపోతే.. ఆందోళనలు ఉధృతం చేస్తామని హెచ్చరించారు.

ఇవీచూడండి: నాలుగేళ్ల చిన్నారిపై వృద్ధుడు అత్యాచారయత్నం