ఎద్దును చుట్టేసిన భారీ కొండచిలువ.. చంపేసిన రైతు

మహబూబాబాద్‌ జిల్లా పడమటిగూడెం శివారు బస్తారాం తండాలో భారీ కొండచిలువ హతమైంది. ఎద్దు కాలును చుట్టేయడం వల్ల రైతు దానిని గుర్తించి వెంటనే చంపేశాడు.

మహబూబాబాద్‌ జిల్లా నర్సింహులపేట మండలం పడమటిగూడెం శివారు బస్తారాం తండాకు చెందిన సురేశ్​ అనే రైతు తన వ్యవసాయ భూమిలో పశువులను మేపుతున్నారు. ఈ క్రమంలో పది అడుగుల పొడవైన భారీ కొండచిలువ ఓ ఎద్దు కాలును చుట్టేసింది. దీంతో పశువులు ఒక్కసారిగా పరుగుతీశాయి. గుర్తించిన రైతు కర్రతో కొట్టి దాన్ని హతమార్చాడు. ఇంత పెద్ద కొండచిలువను తామెప్పుడు చూడలేదని తండావాసులు అన్నారు.

ఇవీచూడండి: జాతీయ ఫోటోగ్రఫీ పోటీల్లో రాష్ట్రానికి రెండు అవార్డులు