అటవీ అధికారులపై దాడి.. 11మందిపై కేసు నమోదు

కలప అక్రమ తరలింపును అడ్డుకున్నందుకు కుమురం భీం జిల్లా పిట్టగూడ వాసులు అటవీ అధికారులపై దాడి చేశారు. ఈ ఘటనలో సర్పంచ్​తో పాటు 11మందిపై కేసు నమోదు చేసినట్టు ఎస్సై తెలిపారు.

కుమురం భీం ఆసిఫాబాద్ జిల్లా లింగాపూర్​ మండలం పిట్టగూడా గ్రామస్థులు అటవీ సిబ్బందిపై దాడి చేశారు. ఈ ఘటనలో 11మందిపై పోలీసులు కేసు నమోదు చేశారు. కలప స్మగ్లింగ్​ను అడ్డుకున్నందుకు దాడి చేసినట్టు ఎస్సై వెంకటేష్​ తెలిపారు. గ్రామ సర్పంచ్​ని ఏ2 నిందితుడిగా చేర్చినట్టు ఎస్సై చెప్పారు. లాక్​డౌన్​ తర్వాత నిందితులను రిమాండ్​కు పంపుతామని వివరించారు.

పిట్టగూడకు చెందిన రమేష్ అనే వ్యక్తి అక్రమంగా కలప తరలిస్తున్నారనే సమాచారంతో రాత్రి 8 గంటలకు బీట్ అధికారి సునీల్ అక్కడికి వెళ్లారు. కలపను స్వాధీనం చేసుకొని లింగాపూర్​కు తీసుకెళ్తుండగా గ్రామస్థులు అడ్డుకొని కర్రలు, రాళ్లతో దాడి చేసినట్టు బీట్​ అధికారులు ఫిర్యాదు చేశారు. తమ గ్రామానికి రావొద్దని సర్పంచ్ దస్రు బెదిరించినట్టు పేర్కొన్నారు. కేసు నమోదు చేసుకొని దర్యాప్తు చేస్తున్నట్టు ఎస్సై తెలిపారు.

ఇదీ చూడండి: నేడు డిశ్చార్జి కానున్న 128 మంది కరోనా బాధితులు