చేనేత కార్మికులకు సరుకుల పంపిణీ

లాక్​డౌన్​ కారణంగా ఉపాధి లేక ఇబ్బందులు పడుతున్న చేనేత కార్మికులకు పలువురు నిత్యావసర వస్తువులు అందజేశారు. కుమురం భీం అసిఫాబాద్​ జిల్లా కాగజ్​ నగర్​లోని చేనేత కార్మికులు లాక్​డౌన్​ వల్ల తిండికి, రోజూవారి జీవితానికి ఇబ్బందులు పడకుండా తమవంతు సాయం అందిస్తున్నట్టు దాతలు తెలిపారు.

కుమురం భీం ఆసిఫాబాద్​ జిల్లా కాగజ్​ నగర్​ పట్టణంలోని చేనేత కార్మికులకు పలువురు నిత్యావసర సరుకులు అందించారు. పట్టణ కేంద్రంలోని చేనేత సహకార సంఘం కార్మికులకను కాంగ్రెస్​ నాయకులు పాల్వాయి హరీష్​ బాబు, హైదరాబాద్​లోని రెయిన్​బో చిల్డ్రన్స్​ ఆస్పత్రికి చెందిన పిల్లల నిపుణులు రమేష్​ కోనంకిల ఆర్థిక సహాయంతో ఈ కార్యక్రమం చేపట్టారు.

చేనేత పరిశ్రమ మీదనే ఆధారపడి బతికే నేతన్నలకు తమవంతు సాయంగా నిత్యావసరాలు అందించినట్లు దాతలు పాల్వాయి హరీష్​ బాబు, డాక్టర్​ రమేష్​ కోనంకి తెలిపారు.

ఇదీ చూడండి: ఈ బాధ ఏ తల్లికి రావొద్దు.. రిక్షాపై తీసుకెళ్లి అంత్యక్రియలు