శనివారం రాత్రి కుమురంభీం ఆసిఫాబాద్ జిల్లా కాగజ్నగర్ మండలం కడంబ అటవీప్రాంతంలో చోటు చేసుకున్న ఎదురుకాల్పుల్లో మృతి చెందిన మావోయిస్టుల మృతదేహాలకు సిర్పూర్ (టి) మండలంలోని ప్రభుత్వ సామాజిక ఆసుపత్రిలో శవపరీక్ష నిర్వహించారు. అనంతరం మృతదేహాలను వారి కుటుంబ సభ్యులకు అప్పగించేందుకు సిద్ధం చేశారు.
ఎదురు కాల్పుల్లో మృతి చెందిన ఆదిలాబాద్ జిల్లా నేరడిగొండకు చెందిన మావోయిస్టు బాజిరావు మృతదేహాన్ని పోలీసులు కుటుంబసభ్యులకు అప్పగించారు. చత్తీస్గఢ్ బీజాపూర్కు చెందిన మరో మావోయిస్టు చుక్కాలు మృతదేహం కోసం కుటుంబసభ్యులు ఎవరూ రాలేదు. చుక్కాలు మృతదేహాన్ని సిర్పూర్ సామాజిక ఆసుపత్రిలోని మార్చురీలో మూడు రోజులపాటు ఉంచనున్నట్లు పోలీసులు తెలిపారు. ఈలోపు ఎవరైనా వస్తే వారికి అప్పగిస్తామని తెలిపారు.
ఇవీ చూడండి: కడంబా అడవుల్లో కూంబింగ్... మావోయిస్టు కీలక నేత కోసం గాలింపు
