తెలంగాణలో తెదేపా పని అయిపోయిందనుకున్నా వారికి సమాధానంగా తెలుగు దేశం పార్టీ ఖమ్మం జిల్లా ఏనుకూరు ఎంపీపీ పదవి దక్కించుకుంది. తెలుగుదేశం అభ్యర్థి ఆరం వరలక్ష్మిని సభ్యులు ఏకగ్రీవంగా ఎన్నుకున్నారు. ఉపాధ్యక్షులుగా కాంగ్రెస్ పార్టీకి చెందిన పాశం శ్రీనివాస రావు ఎన్నికయ్యారు. ఈ విజయంతో తెదేపా శ్రేణుల్లో ఉత్సాహం నెలకొంది. మండల పరిషత్ కార్యాలయం నుంచి ప్రధాన కూడలి వరకు భారీ ప్రదర్శన నిర్వహించారు. విజయోత్సవ సంబురాలు చేశారు. నందమూరి తారక రామారావు విగ్రహం వద్ద పూలమాలవేసి నివాళులు అర్పించారు.
ఏనుకూరు ఎంపీపీ తెదేపా వశం
