జిల్లానే నా కుటుంబం... కార్యకర్తలే నా వారసులు...

పదేళ్ల క్రితం తాను చేసిన అభివృద్ధి ముందు తెరాస నేతలు చేసిన పనులేవి కనిపించట్లేదని ఖమ్మం ఎంపీ రేణుకాచౌదరి పేర్కొన్నారు. ఖమ్మంలో రైల్వే బ్రిడ్జ్​లు కట్టించినా... పాలేరు నుంచి పర్ణశాల వరకు పర్యాటకంగా మార్చినా... అన్ని ఘనతలు తనకే దక్కుతాయంటున్నారు రేణుక. ముచ్చటగా మూడోసారి బరిలో దిగుతున్న తనకు జిల్లానే కుటుంబమని... కార్యకర్తలే తన వారసులంటున్నారు.

ప్రజాస్వామ్యమే తమ నినాదమని... ఖమ్మం​ కాంగ్రెస్​ పార్లమెంట్​ అభ్యర్థి రేణుకా చౌదరి ఉద్ఘాటించారు. రైతులకు మద్దతు ధర కల్పించేందుకు కొనుగోలు కేంద్రాలు ఏర్పాటు చేయలేని తెరాస ప్రభుత్వం... ఎమ్మెల్యేల కొనుగోలుకు మాత్రం ప్రత్యేక కేంద్రాలు ఏర్పాటు చేస్తోందని ఎద్దేవా చేశారు. మోదీ-రాహుల్ మధ్య జరుగుతున్న ఈ పోరులో... కేసీఆర్ కు ఏం సంబంధం ఉందని ఆమె ప్రశ్నించారు. పాలేరు నుంచి పర్ణశాల వరకు అభివృద్ధి చేసిన ఘనత తనదేనన్న రేణుకాచౌదరి.. ప్రజలు మళ్లీ అవకాశం ఇస్తే ఖమ్మంను మరింత అభివృద్ధి చేస్తానని హామీ ఇస్తున్నారు.

ఇవీ చూడండి:శరత్​... నేను కేసీఆర్​ను మాట్లాడుతున్నా...!