ఓటర్ల జాబితా తప్పిదాలపై రాజకీయ నేతల ఆగ్రహం
ఖమ్మం జిల్లా మధిర పురపాలికలో ఓటర్ల జాబితా తప్పుల తడకగా మారిందని రాజకీయ పార్టీల నాయకులు తీవ్ర ఆగ్రహం వ్యక్తం చేశారు. ఓటర్ల జాబితాపై అభ్యంతరాలు తెలిపేందుకు స్థానిక కార్యాలయంలో కమిషనర్ దేవేందర్ అధ్యక్షతన రాజకీయ పక్షాల నేతలతో సమావేశం ఏర్పాటు చేశారు. నివాసముండేది ఒక చోట అయితే వేరే చోట ఓటు ఉందని పార్టీల నాయకులు ఆరోపించారు. జాబితా రూపకల్పనలో అధికారులు తీవ్ర నిర్లక్ష్యం వహించారని ధ్వజమెత్తారు. వందలకొద్దీ ఉన్న తప్పులను వెంటనే సరిచేయాలని డిమాండ్ చేశారు.
ఇదీ చూడండి :'రాజకీయాల్లో పదవీవిరమణ ఉండదు'
