ఖమ్మం జిల్లా ఏన్కూర్లో మండల పరిషత్ సర్వసభ్య సమావేశం రసాభాసగా సాగింది. గ్రామాల్లో సమస్యలపై సభ్యులు అధికారులను ప్రశ్నించారు. ప్రధానంగా తాగునీరు, అంతర్గత రహదారులు మరమ్మతులపై ప్రజాప్రతినిధులు అధికారుల దృష్టికి తీసుకెళ్లారు. మిషన్ భగీరథ జలాలు గ్రామాల్లో సరిగా రావడం లేదని, పైప్లైన్ పనులు పూర్తిచేసి ప్రజలకు తాగునీరు అందించాలని డిమాండ్ చేశారు.
గ్రామాల్లో భగీరథ ట్యాంక్ శుభ్రం చేయాలని, పైప్లైన్ లీకేజీ మరమ్మతులు చేయాలని కోరారు. గ్రామాల్లో అంతర్గత రహదారుల మరమ్మతులు చేసేందుకు అనుమతులు ఇవ్వాలని పలువురు సర్పంచులు రెవెన్యూ అధికారులను కోరారు. ఈ కార్యక్రమంలో జడ్పీటీసీ బాదావత్ బుజ్జి, ఎంపీపీ ఆర్ఎం వరలక్ష్మి, వైస్ ఎంపీపీ పాశం శ్రీనివాసరావు అధికారులు పాల్గొన్నారు.
ఇవీ చూడండి: కరోనా రాకుండా జైళ్ల శాఖ ప్రత్యేక చర్యలు
