కరోనా ప్రభావం వల్ల కిర్గిస్థాన్లో ఇరుక్కుపోయిన భారతీయ వైద్య విద్యార్థులను స్వదేశానికి తీసుకొచ్చేందుకు కృషిచేయాలని కేంద్ర మంత్రి సుబ్రహ్మణ్యం జైశంకర్కు.. ఎంపీ నామ నాగేశ్వరరావు లేఖ రాశారు. వైద్య విద్యను అభ్యశించడానకి వెళ్లిన తెలుగు రాష్ట్రాలకు చెందిన విద్యార్థులు అక్కడ ఏజెంట్ల చేతిలో మోసపోయి తీవ్ర ఇబ్బందులు పడుతున్నారని లేఖలో పేర్కొన్నారు.
తెలంగాణకు చెందిన 170 మంది, ఏపీకి చెందిన 65 మంది మొత్తం 235 విద్యార్థులు పరాయి దేశంలో అవస్థలు పడుతున్నారని తెలిపారు. సామాజిక మాధ్యమాల్లో వారి గోడును వెలిబుచ్చుకుంటున్నారని చెప్పారు. త్వరగా వారిని స్వదేశానికి రప్పించాలని కేంద్ర విదేశీ వ్యవహారాల శాఖ మంత్రి సుబ్రహ్మణ్యం జైశంకర్ను లేఖలో కోరారు.
ఇదీ చూడండి: ' కార్పొరేటర్ నుంచి ప్రాణహాని ఉంది.. రక్షణ కల్పించండి'
