కరోనా మహమ్మారిని రాష్ట్రంలో కట్టడి చేసేందుకు గాంధీ ఆసుపత్రి సూపరింటెండెంట్గా డాక్టర్ రాజారావు అందించిన సేవలు అభినందనీయమని ఖమ్మం జిల్లా పరిషత్ ఛైర్మన్ లింగాల కమల్ రాజు ప్రశంసించారు. డాక్టర్ రాజారావు స్వస్థలమైన ఖమ్మం జిల్లా మధిరలో పురపాలక ఛైర్పర్సన్ లత అధ్యక్షతన రాజారావుకు ఘన సత్కారం చేశారు.
మధ్యతరగతి కుటుంబంలో జన్మించి... వైద్యునిగా మెరుగైన సేవలు అందిస్తూ... రాష్ట్రానికే తలమానికమైన గాంధీ ఆసుపత్రి సూపరింటెండెంట్ స్థాయికి ఎదిగిన రాజారావు ఎందరికో స్ఫూర్తి దాయకమన్నారు. అనంతరం రాజారావు దంపతులను నేతలు శాలువాలతో సత్కరించారు. కార్యక్రమంలో మార్కెట్ కమిటీ ఛైర్మన్ నాగేశ్వరరావు, మున్సిపల్ కమిషనర్ రమాదేవి, ఆత్మ కమిటీ ఛైర్మన్ రంగిశెట్టి కోటేశ్వర రావు పాల్గొన్నారు.
