'అర్హులైన వారికి రెండు పడక గదుల ఇల్లు ఇవ్వాలి'

అర్హులైన పేదలకు రెండు పడకగదుల ఇల్లు ఇవ్వాలంటూ వ్యవసాయ కార్మిక సంఘం ఆధ్వర్యంలో పెనుబల్లి మండల ప్రజలు తహసీల్దార్ కార్యాలయాన్ని ముట్టడించారు.

ఖమ్మం జిల్లాలోని పెనుబల్లి మండలంలో సీపీఎం ఆధ్వర్యంలో రైతులు పాదయాత్ర చేశారు. అనంతరం తహసీల్దార్ కార్యాలయాన్ని ముట్టడించారు. అర్హులైన పేద ప్రజలకు రెండు పడక గదులు ఇళ్లు ఇవ్వాలంటూ నినాదాలు చేశారు. సొంత స్థలం ఉన్న వారికి వారి స్థలంలోనే ఇళ్లు మంజూరు చేయాలని కోరారు. 57 ఏళ్లు నిండిన వారికి పెన్షన్ ఇవ్వాలని డిమాండ్ చేశారు. డిమాండ్లతో కూడిన వినతి పత్రాన్ని అధికారులకు అందించారు.