డయల్​ 100పై విద్యార్థినులకు అవగాహన కార్యక్రమం

విద్యార్థినులకు 100 డయల్​ అవగాహన కార్యక్రమాన్ని ఏసీపీ సత్యనారాయణ ఆధ్వర్యంలో ఖమ్మం జిల్లా వైరాలో ఏర్పాటు చేశారు. ఆపత్కాలంలో ఎలా పనిచేస్తుందో ప్రయోగాత్మకంగా చూపించారు.

ఖమ్మం జిల్లా వైరా పట్టణంలో ఏసీపీ సత్యనారాయణ ఆధ్వర్యంలో నేరాల నియంత్రణలో సమాజానికి రక్షణగా ఉంటున్న 100 డయల్​ కాల్​పై అవగాహన కార్యక్రమాన్ని ఏర్పాటు చేశారు. 100 డయల్​కాల్​ను కేత్రస్థాయిలో పటిష్టంగా అమలు పరచాలని విద్యార్థినులు పోలీసులను కోరారు. ఏసీపీ సత్యనారాయణ విద్యార్థినులు ఆపత్కాలంలో వాటిని ఎలా ఎదుర్కోవాలనే అంశాలను క్షుణ్నంగా వివరించారు.

100 డయల్‌ కాల్‌ను ప్రయోగాత్మకంగా చేసి చూపించారు. ఈ క్రమంలో గురుకుల కళాశాలలో చదువుతున్న ఓ విద్యార్థిని 100 కాల్‌ విషయంలో తాము ఎదుర్కొన్న సమస్యను ఏసీపీ దృష్టికి తీసుకెళ్లారు. తాము సమస్యలో ఉండి 100కు కాల్​ చేస్తే వారు స్పందించలేదని ఆవేదన వ్యక్తం చేసింది. అలాంటి సమస్యలు తలెత్తకుండా ఉండడానికి ప్రస్తుతం పోలీస్​శాఖ పటిష్ట చర్యలుచేపడుతుందని ఏసీపీ సమాధానమిచ్చారు.

ఇవీ చూడండి: దశాబ్ది సవాల్​: మలి సంధ్యకు ఊతకర్ర అవుదాం