కరీంనగర్​లో టెలీ మెడిసిన్ సేవలు ప్రారంభం

కరీంనగర్ జిల్లాలో టెలీ మెడిసిన్ వైద్య సేవలు ప్రారంభమయ్యాయి. కరోనా వైరస్ విజృంభిస్తోన్న నేపథ్యంలో వైద్యులు మరింత అప్రమత్తమయ్యారు. ఆరోగ్య సమస్యలకు సంబంధించి టెలీకాల్ ద్వారా వైద్య నిపుణుల సలహా తీసుకోవాలని డీఎంహెచ్​ఓ కార్యాలయం కోరింది.

ప్రశ్న : టెలీ మెడిసిన్ ప్రారంభమయ్యాక ఫోన్ కాల్స్ ఏ విధంగా వస్తున్నాయి ?

జవాబు : గ్రామాల్లో, పట్టణాల్లో ప్రతి వార్డులో ఇంటింటి సర్వే చేపట్టాం. విదేశీయులను, ఇతర రాష్ట్రాల నుంచి వచ్చిన వాళ్లను ఐసోలేషన్ కేంద్రాలకు తరలించాం. అనుమానితులను ప్రత్యక్షంగా పర్యవేక్షిస్తున్నాం. ఇలాంటి పరిస్థితుల్లో రవాణా వ్యవస్థ లేదు కాబట్టి అవసరమైన వాళ్లు మమ్మల్ని ఫోన్​లో సంప్రదిస్తున్నారు. గైనిక్ సమస్యలపై ఫోన్​ కాల్స్ వస్తున్నాయి. గుండెకు సంబంధించిన ఇబ్బందులు, మూత్ర పిండాల రోగులు, చర్మ వ్యాధులపై సైతం ఫోన్లు చేస్తున్నారు. వారికి అవసరమైన మేర వైద్య సలహాలు, సూచనలు అందిస్తున్నాం.

లాక్ డౌన్ అమల్లో ఉన్న దృష్ట్యా ప్రభుత్వం టెలీ మెడిసిన్ సేవల కేంద్రాలను విస్త్రృతంగా ప్రారంభించింది. ఈ నేపథ్యంలో ఉదయం పది నుంచి సాయంత్రం 4 గంటల వరకు వైద్య సంబంధిత సమస్యల కోసం ఫోన్​లో సంప్రదించాలని జిల్లా వైద్య విభాగం కోరింది.

ఇవీ చూడండి : రాష్ట్రంలో కరోనా కలవరం... 858కి చేరిన కేసులు