బడిలో విద్యార్థిని మృతి.. ఆవేదనలో తల్లిదండ్రులు

మహాత్మ జ్యోతిబాపులే పాఠశాలలో ఐదో తరగతి చదువుతున్న విద్యార్థిని మృతి చెందింది. దసరా సెలవుల తర్వాత స్కూలుకు వెళ్లిన తమ పాప చనిపోవడం వల్ల తల్లిదండ్రులు విషాదంలో మునిగిపోయారు.

బడిలో విద్యార్థిని మృతి.. ఆవేదనలో తల్లిదండ్రులు

కరీంనగర్​ మహాత్మ జ్యోతిబాపూలే విద్యాలయంలో విద్యార్థిని మృతిచెందింది. జమ్మికుంట మండలం కొత్తపల్లికి చెందిన జున్ను రమ్య, అశోక్​ దంపతుల కుమార్తె అక్షయ ఇవాళ ఉదయం అల్పాహారం చేసే సమయంలో ఒక్కసారిగా కూలిపోయింది. వెంటనే జ్యోతిబాపూలే సిబ్బంది ప్రైవేట్​ ఆస్పత్రికి తరలించారు. అక్కడి నుంచి కరీంనగర్​ జిల్లా ప్రభుత్వాస్పత్రికి తీసుకెళ్లారు. ఉదయం ఏడున్నర గంటల ప్రాంతంలో పాప మరణించింది. నిన్నటి వరకు ఆరోగ్యంగా ఉన్న తమ కుమార్తె చనిపోవడం పట్ల అనుమానాలున్నాయని తల్లిదండ్రులు ఆవేదన వ్యక్తం చేశారు. వీరికి మద్దతుగా ఎస్​ఎఫ్​ఐ విద్యార్థి సంఘం నాయకులు మద్దతు తెలుపుతూ నిరసన చేపట్టారు. అయితే ఈ కేసులో అధికారులు విచారణ చేపట్టారు. గురుకుం పర్యవేక్షకురాలు లావణ్య, ప్రిన్సిపల్​ వేణుగోపాల్​లను సస్పెండ్​ చేశారు.

ఇవీ చూడండి: బోరుబావిలో రెండున్నరేళ్ల బాలుడు.. రంగంలోకి ఐఐటీ