నడిరోడ్డుపై ఆర్టీసీ బస్సు బ్రేకులు ఫెయిల్​...

కరీంనగర్​ మంచిర్యాల చౌరస్తాలో హల్​చల్​ సృష్టించింది. అదుపు తప్పి డివైడర్​ ఎక్కింది. రద్దీగా ఉండే ఈ ప్రాంతంలో జరిగిన ఘటనలో ఎలాంటి ప్రమాదం జరగకపోవటం వల్ల అంతా ఊపిరి పీల్చుకున్నారు.

కరీంనగర్ రెండో డిపోకు చెందిన ఆర్టీసీ బస్సు మంచిర్యాల వెళ్తుండగా చొప్పదండిలో బ్రేక్​డౌన్ అయింది. ఆర్టీసీ సిబ్బంది బస్సు వద్దకు చేరుకొని రిపేర్ చేశారు. బస్సును తిరిగి కరీంనగర్​కు తీసుకు వస్తుండగా... మంచిర్యాల కూడలిలో మళ్లీ బ్రేక్ ఫెయిలై రోడ్డుమీదే ఆగిపోయింది. పక్కకు పెట్టాలని పోలీసులు చెప్పగా... బస్సును వెనక్కి తీసే ప్రయత్నంలో అదుపు తప్పి పక్కనే ఉన్న డివైడర్ పైకి ఎక్కింది. ఎప్పుడూ రద్దీగా ఉండే కరీంనగర్-మంచిర్యాల రహదారిపై ఇలా జాగ్రత్తలు తీసుకోకుండా ఆర్టీసీ సిబ్బంది నిర్లక్ష్యం వహించటంపై ప్రజలు మండిపడుతున్నారు.

ఇదీ చూడండి: 62 కాదు.. ప్రమాద సమయంలో బోటులో 73 మంది.!