ఇక్కడ చూస్తున్నది మరబొమ్మ అనుకుంటున్నారా? అయితే మీరు పొరబడినట్లే.. కరీంనగర్లోని లోయర్ మానేరు డ్యాం ప్రకృతి అందాలను చూసేందుకు వచ్చిన వారి రక్షణ కోసమే పోలీస్ శాఖ వారు ఈ పోలీస్ రోబోట్ను ఏర్పాటు చేశారు.
మరబొమ్మే కదా! మనల్ని ఏం చేస్తది అని అనుకుంటే పప్పులో కాలేసినట్లే... ఇక్కడే అసలు మతలబుంది. ఈ రోబోట్ కళ్లల్లో నిఘా నేత్రాలను ఏర్పాటు చేసి... వేరే చోట నుంచి పోలీసులు దీనిని పర్యవేక్షిస్తుంటారు.
హైదరాబాద్-వరంగల్ రహదారికి ఆనుకుని ఉన్న ఈ కట్టడాన్ని తిలకించేందుకు రోజూ వందలాది మంది పర్యటకులు వస్తుంటారు. వేములవాడ, కొండగట్టు ఆలయాలను దర్శించుకున్న భక్తులు తిరుగు ప్రయాణంలో ఇక్కడకు వస్తారు. వారి రక్షణ కోసమే రోబోట్ను ఏర్పాటు చేసినట్లు పోలీసులు తెలిపారు.
లోయర్ మానేరు డ్యాం వద్ద రోబోట్ పోలీస్ ..!
ఇదీ చూడండి : బస్తీమే సవాల్: పంచాయతీ కన్నా వెనుకబడ్డ జవహర్నగర్ కార్పొరేషన్
