అనాథ వృద్ధాశ్రమాలకు పూర్వ విద్యార్థుల సాయం

కొవిడ్​ కష్టకాలంలో సాధారణ ప్రజలే అల్లాడిపోతుంటే... అనాథ ఆశ్రమాల్లో వృద్ధులు, చిన్నారుల పరిస్థితి చెప్పనక్కలేదు. తినడానికి సరైన ఆహారం లేక అలమటిస్తున్నారు. ఈ నేపథ్యంలో అనాథ ఆశ్రమాలకు నిత్యావసర సరకులు అందించి మానవత్వాన్ని చాటుకున్నారు కరీంనగర్​లోని వివేకానంద విద్యానికేతన్​ పూర్వ విద్యార్థులు.

కరీంనగర్​లోని వివేకానంద విద్యానికేతన పూర్వ విద్యార్థులు అనాథాశ్రమాలకు నిత్యావసర సరకులు పంపిణీ చేసి మానవత్వాన్ని చాటుకున్నారు. 2000-01 పదోతరగతి బ్యాచ్​కి చెందిన పలువురు విద్యార్థులు... వీరబ్రహ్మేంద్రస్వామి అనాథ వృద్ధాశ్రమం, సుభాష్​నగర్​ ముకరంపురలోని అనాథ బాలల ఆశ్రమాలకు నిత్యావసర సరకులు అందించారు.

కరోనా కష్టకాలంలో ఇబ్బంది పడుతున్న అనాథలకు సాయం అందిచడంపై ఆశ్రమ నిర్వాహకులు కృతజ్ఞతలు తెలిపారు. కార్యక్రమంలో పూర్వ విద్యార్థులు శ్రీకాంత్, బి శ్రీకాంత్, సురేశ్​, చంద్రశేఖర్, డాక్టర్ హరీశ్​ తదితరులు పాల్గొన్నారు.

ఇదీ చూడండి: జడలు చాస్తున్న మహమ్మారి... పదిరోజుల్లోనే రెట్టింపు కేసులు